اسلام آباد۔11جنوری(اے پی پی)وزارت داخلہ افغانستان اچ جاری بین الاقوامی غیر سرکاری تنظیماں دی امدادی سرگرمیاں اچ ہتھ ونݙاوݨ کیتے ہک وسیع طریقہ کار متعارف کرا ݙتے۔ اے ڳالھ افغان بین الوزارتی کوآرڈینیشن سیل دے اجلاس اچ ݙسائی ڳئی جیندی اڳواݨی قومی سلامتی دے مشیر ڈاک??ر معید یوسف کیتی۔ انہاں نویں اقدامات دا بنیادی مقصد مصیبت زدہ افغانستان اچ انسانی امداد دی کوششاں اچ سوکھ ݙیوݨ اے جیندے نال نہ ??رف نویں بین الاقوامی غیر سرکاری تنظیماں ٻھل پہلے ت??ں رجسٹرد تنظیماں وی فیدہ چا سڳسن، رجسٹریشن دی درخواست کیتے ت??ظیم کوں متعلقہ سفارتخانہ ??وں تصدیقی خط، اپݨے م??ک اچ رجسٹریشن دا ثبوت اتے فنڈنگ ذرائع سودھا مقامی رہائشی پتہ اتے ایندے عملے دی تفصیلات ݙیوݨیاں ہوسن، سکروٹنی کمیٹی 3 ہفتے اچ کارروائی مکمل کریسی ڄݙاں جو ویزے ݙیوݨ وی سوکھا کیتے ڳین ڄیڑھے 10 ݙینھ اچ مل ویسن۔ قومی سلامتی دے مشیر نویں اقدامات کوں افغانستان اچ جاری فلاحی کماں اچ سوکھ ݙیوݨ سانڳے اہم اڳونہی قرار ݙتے۔ اجلاس اچ وزارت خارجہ، وزارت تجارت، منصوبہ بندی، خزانہ، ایف بی آر اتے ہائیر ایجوکیشن کمیشن حکام شرکت کیتی۔
وزیراعظم دے قومی سلامتی دے مشیر ڈاکٹر معید یوسف دی زیر صدارت افغان بین الوزارتی کوآرڈینیشن سیل دا اجلاس
مضمون کا ماخذ : بک آف ڈیڈ
متعلقہ مضامین
