اسلام آباد 17فروری(اے پی پی) خارجه سېكرټري ډاكټر اسد مجيد خان سره د امريكې د خارجه محكمې قونصلر ډيرك شولے په خارجه وزارت كښې ملاقات كړې۔د خارجه دفتر لخوا جاري شوي بيان له مخې خارجه سېكرټري د امريكائي خارجه محكمې عهديدار هركلي كولو سره وئيلي چې پرله پسې دوه اړخيزه دورې د پاكستان او امريكې د مثبت رويو عكاسي كوي۔ خارجه سېكرټري د دواړو هېوادونو ترمينځه په دوهم مډ ليول دفاعي ډائيلاګ او واشنګټن كښې د تجارتي او سرمايه كارۍ فريم ورك ايګريمنټ كونسل په غونډه د اطمينان څرګندونه وكړه۔ ده د اداره جاتي مذاكراتو د لارې دتجارت او سرمايه كارۍ٬ توان٬ سلامتيا٬ ماحولياتي بدلون او د روغتيا په څانګو كښې د تلپاتې مرستې په اهميت زور راوړو۔ ډاكټر اسد مجيد خان د كركيلې٬ تعليم٬ آئي ټي او سائنس او ټېكنالوجي كښې دوه اړخيزه مرستې ته د ودې وركولو ضرورت هم رامخې ته كړو۔د امريكې خارجه محكمې قونصلر ډيرك شولے ووئيل چې امريكا پاكستان سره د دوه اړخيزه اړيكو مخ په وړاندې بوتللو عزم لري۔ده د كال 2022 سېلاب نه پس بحالۍ لپاره پاكستان او پاكستاني اولس سره د امريكې لخوا د يو والي او ملاتړ څرګندونه وكړه۔ خارجه سېكرټري د امريكې لخوا په ملاتړ د قونصلر مننه وكړه او هيله يې څرګنده كړه چې امريكا به د اوږدې مودې بحالۍ هڅو كښې د پاكستان ملاتړ روان ساتي
خارجه سېكرټري ډاكټر اسد مجيد خان سره د امريكې د خارجه محكمې قونصلر ډيرك شولے ملاقات
مضمون کا ماخذ : پیش گوئی اور حکمت عملی
متعلقہ مضامین
.jpg)
