اسلام آباد۔26اکتوبر (اے پی پی):وزیر خارجہ مخدوم شاہ محمود قریشی آکھیے جو پاکستان، ایران دے نال آپݨے بھرپی آلے تعلقات کوں خصوصی اہمیت ݙیندے ،عالمی برادری افغان شہریاں کوں پیش آندے معاشی و انسانی بحران توں نکلݨ کیتے ٹھوس اقدامات چاوے،پاکستان، افغانستان کوں تجارتی و سرحدی نقل و حرکت اچ سہولتاں ݙیوݨ جاری رکھݨ کیتے پر عزم اے۔اے ڳال انہاں منڳل کوں تہران اچ ایرانی ہم منصب ڈاکٹر حسین امیر عبداللہیان نال ملاقات دے دوران آکھی۔افغانستان کیتے نمائندہ خصوصی ایمبیسڈر محمد صادق اتے ایران اچ تعینات پاکستانی سفیر رحیم حیات قریشی وی وزیر خارجہ دے رلے ہن۔ترجمان دفتر خارجہ موجب ملاقات دے دوران ݙوہیں وزرائے خارجہ وچال ݙو طرفہ تعلقات ،سانجھی دلچسپی دے کثیر الجہتی شعبہ جات اچ ݙو طرفہ تعاون دے ودھارے سودھے اہم علاقائی و عالمی امور تے ڳال مہاڑ تھئی ۔شاہ محمود قریشی آکھیے جو پاکستان، ایران دے نال آپݨے بھرپی آلے تعلقات کوں خصوصی اہمیت ݙیندے اتے انہاں کوں مزید مستحکم بݨاوݨ کیتے پر عزم اے۔وزیر خارجہ مخدوم شاہ محمود قریشی ، ایران دی اعلیٰ قیادت دی طرفوں مسئلہ کشمیر تے پاکستان دے اصولی موقف دی مسلسل تائید تے حمایت تے ایرانی وزیر خارجہ دا شکریہ ادا کیتا اتے آکھیے جو ھک پر امن اتے مستحکم افغانستان، سا??ے ہمسایہ ملکاں کیتے یکساں اہمیت دا حامل اے۔21 اکتوبر کوں کیتے ڳئے آپݨے دورہ کابل دا حوالہ ݙیندے ہوئیں وزیر خارجہ عالمی برادری تے زور ݙتے جو او افغان شہریاں کوں درپیش معاشی و انسانی بحران توں نکلݨ کیتے ٹھوس اقدامات چاون ۔انہاں آکھیے جو پاکستان، افغانستان کوں تجارتی و سرحدی نقل و حرکت اچ سہولتاں ݙیوݨ جاری رکھݨ کیتے پرعزم اے ??
وزیر خارجہ مخدوم شاہ محمود قریشی دی تہران اچ ایرانی ہم منصب نال ملاقات، ݙو طرفہ تعلقات ،سانجھی دلچسپی دے کثیر الجہتی شعبہ جات اچ ݙو پاسے تعاون ودھاوݨ سودھے اہم علاقائی و عالمی امور تے ڳال مہاڑ
مضمون کا ماخذ : لیپریچون کی خوش قسمتی۔
متعلقہ مضامین
