اسلام آباد۔16جون (اے پی پی) د خزانې او محصولاتو وفاقي وزات وئيلي دي چې پاكستان آئي اېم اېف سره د پروګرام مخ په وړاندې بوتللو عزم لري٬ اتحادي حكومت دې څخه وړاندې په سياسي قيمت سختې پرېكړې كړي دي۔ د جمعې په ورځ د خزانې وزارت لخوا د جاري شوي بيان له مخې د خزانې وزارت په پاكستان كښې د نړيوال مالياتي فنډ د ریزیډنټ استازي د بيان جاج اخستے دے ، پاكستان د آئي اېم اېف پروګرام عزم لري او په دې اړه زمونږ خبرې روانې دي۔ آئی اېم اېف سره 9 مه جائزه د روان كال په فروروۍ مياشت كښې شوې وه٬ د پاكستان حكومت تند رفتار سره ټولې تكنيكي چارې ترسره كړې دي٬ يوازينۍ معامله بهرني فنانسنګ سره اړونده وه كومه چې زمونږ په خيال د وزيراعظم شهباز شريف او د آئي اېم اېف اېم ډي ترمينځه د مئي په 27 مه نېټه شوې ټېلېفوني خبرو كښې په غوره ډول ترسره شوې ٬ اګركه د نوي مالي كال بجټ كله هم د 9 مې جائزې برخه نه دے پاتے شوے بياهم د آئي اېم اېف اېم ډي سره د وزيراعظم د كمټمنټ له مخې د خزانې وزارت د آئي اېم اېف مشن سره د بجټ شمېرې ګډې كړې او د بجټ په مهال آئي اېم اېف سره مونږ پرله پسې تماس كښې پاتې شوو۔ د خزانې وزارت د بيان له مخې ایف بی آر د روان مالي كال په اولنو 11 مياشتو كښې 11لکه 61 زره نوې ټېكس وركوؤنكي شامل كړې دي٬ د ټېكس وركوؤنكو په شمېره كښې د اضافې شرح 26.38 فیصده جوړېږي٬ او دا يو روان تمرين دے او دا لړۍ به دغسې روانه وي٬ نان فائلرز لپاره د 50 زره روپو نه د زيات رقم په ويستلو 0.6 فیصد ودهولډنګ ټېكس دې پلو يو بل ګام دے۔ بيان كښې وئيلې شوي چې بې وزله طبقو له اقدامات يوازې بي آئي اېس پي څخه استفاده كوؤنكو پورې محدود نه دي٬ د دې بجټ حجم 400 اربه نه 450 اربه ته رسولې شوې دې۔ د روان كال فرورۍ مياشت كښې دا بجټ 350 اربه نه 400 اربه ته رسولې شوې وو۔ په هېواد كښې د بې وزلۍ كرښې څخه پورته هم بلها شمېر خلق موجود دي كوم چې معاشي مسئلو سره مخ دي۔ په بجټ كښې د يوټېلېټي سټورز كارپورېشن د لارې په 5 ضروري څيزونو تر 35 اربه روپو سبسډي وركولې شي۔ دې څخه د استفاده كوؤنكو سكور 32 څخه زياتولو سره 40 كړې شوې دې۔ دا سهولت بي آئي اېس پي څخه استفاده كوؤنكو ته هم ترلاسه دے۔ تر كومې چې د ایمنسټی تعلق دے نو يوازينې بدلون د آئی ټی آرډی ننس د اړوند پرویژنز لاندې قدر ډالرائز كول دي٬ دا سهولت د آئی ټی آرډی ننس سېکشن 111 (4)لاندې وړاندې څخه موجود دے۔ د يو كروړ روپو کېپ 2016 كښې معارفي كړې شوې وو۔ دا كېپ د يو لك ډالر مساوي روپو د لارې حل كړې شوے دے۔ بيان كښې وئيلې شوي دي چې د پاکستان حکومت د آئی اېم اېف پروګرام عزم لري او د 9 مې جائزې بشپړولو كښې ژوره خوښي لري٬ اتحادي حكومت وړاندې څخه په سياسي قيمت يو شمېر سختې پرېكړې كړې دي٬ د معاملې په ښه ډول حل كولو له زمونږ آئي اېم اېف سره پرله پسې تماس كښ يؤ۔
پاكستان د آئي اېم اېف پروګرام عزم لري٬ اتحادي حكومت وړاندې څخه په سياسي قيمت سختې پرېكړې كړې دي٬ د خزان وزارت
مضمون کا ماخذ : میگا ملینز کا انعام
متعلقہ مضامین
