اسلام آباد 17 مئي (اے پي پي) د هېواد په بره او مېنځنو سيمو كښې د لوېديزو هواګانو داخلېدو سره د راتلونكو دوو ورځو په مهال سيلۍ سره د باران امكان دے۔ نېشنل ډيزاسټر مېنجمنټ اتهارټۍ (اېن ډي اېم اے) اړوندو چارواكو او شراكتدارو ته د ممكنه موسمي صورتحال له مخې د اختياط كولو سره د تيارۍ كولو پشمول اولس په وخت خبرولو لپاره اقدامات كړي ۔ د موسميات محكمې له مخې دغه هواګانې به په بره او مېنځنو سيمو كښې د مئي تر 18مې نيټې موجود وي چې په سبب ئې په اوولسم او اتلسم مئي د کشمير په (وادي نيلم، مظفرآباد، پونچھ، هټيا، باغ، حويلي، سدھنوتي، کوټلي، بھمبر، ميرپور)، د ګلګت بلتستان په (ديامير، استور، غذر، سکردو، هنزه، ګلګت، ګھانچے، شګر)، په چترال، دير، سوات، کوهستان، مانسهره، اېبټ آباد، هري پور،پېښور، چارسده، نوښار، صوابۍ، مردان، باجوړ، کرم، وزيرستان، کوهاټ،بنو، ټانك، کرك، ډيره اسماعيل خان، اسلام آباد، مري، ګليات، پېنډۍ، اټك، چکوال، جهلم، سرګودھا، ميانوالي، خوشاب، بھکر، فېصل آباد، جھنګ، ټوبه ټيك سنګھ، شېخوپوره ،ننکانه، ګوجرانواله، سيالکوټ ، قصور، اوکاړه او لاهور كښې سيلۍ طوفان سره د باران او په ځيني سيمو كښې د ږلۍ هم امكان دے۔ د موسميات محكمې ټولو اړوندو ادارو ته په دې مهال د الرټ پاتې كېدو امر كړے ۔ بلخوا نيشنل ډيزاسټر مينجمنټ اتھارټۍ د موسميات محكمې د پېشنګوئۍ له مخې موسمياتي اېډوائزري جاري كړې چې پكښې ټولو شراكتدارو ته امر شوے چې د ممكنه صورتحال له مخې دې فعاله اقدامات وكړے شي
د هېواد په بره او مېنځنو سيمو كښې د لوېديزو هواګانو داخلېدو سره د راتلونكو دوو ورځو په مهال سيلۍ سره د باران امكان دے۔ اېن ډي اېم اے
مضمون کا ماخذ : پاور بال جیک پاٹ
متعلقہ مضامین
