اسلام آباد/ریاض ۔ 16 اکتوبر (اے پی پی) وزیراعظم عمران خان 15 اکتوبر کوں سع??دی عرب دا دورہ کیتا تے خادم الحرمین الشریفین شاہ سلمان بن عبدالعزیز السعود اتے ولی عہد شہزادہ محمد بن سلمان نال انجھ انجھ ملاقات کیتی ۔ اے دورہ خطے اچ امن اتے سلامتی کےتے وزیراعظم دیاں کوششاں دا حصہ ہئی ۔ وزیراعظم دے سع??دی عرب دے دورے دے چھیکڑ تے جاری اعلامیے دے مطابق ملاقاتاں دے دوران وزیراعظم آکھیے جو پاکستان اتے سع??دی عرب دے تعلقات پکے ہن ۔وزیراعظم توانائی اتے سرمایہ کاری دے شعبیں اچ تعاون ، ڈوپاسے تجارت اتے عوام وچال رابطیں کوں م??ید ودھارا ڈیونڑ دے عزم دا اعادہ کیتے ۔ خلیج دی صورتحال دا ذکر کریندے ہوئیں وزیراعظم فوجی جھیڑے توں بچنڑ تے سارے فریقین وچال تعمیری رابطے دی اہمیت تے زور ڈتا۔ وزیراعظم عمران خان پرامن ذرائع نال اختلافات اتے جھیڑے دے حل تے کشیدگی گھٹ کرنڑ کیتے سہولت کاری دیاں کوششاں کیتے پاکستان دی آمادگی دا اظہار کیتے ۔ سع??دی قیادت پاکستان دے نال نیڑے تعلقات دے عزم دا اعادہ کیتے تے تجارت ، توانائی ، سلامتی اتے دفاع سمیت سارے شعبیں اچ ڈو پاسے تعاون کوں ودھارا ڈیونڑ دے عزم دا اعادہ کیتے ۔ سع??دی عرب ولوں مسئلہ کشمیر تے پاکستان دی حمایت تے کشیدگی اچ ودھارا نہ کرنڑ تے ہک پرامن حل دی اہمیت دا اعادہ کیتا گے۔ سع??دی قیادت خطے اچ امن اتے استحکام دے ودھارے کشیدگی اچ کمی کیتے وزیراعظم عمران خان دیاں مخلصانہ کوششاں دی تعریف کیتی ۔ سع??دی قیادت نال جامع اتے تعمیری گال مہاڑ کیتی گئی ۔ معاملات دی پیچیدگی اتے چیلنجاں دے پیش نظر فریقین ایں عمل کوں اگی تے ودھاونڑ تے مشاورت برقرار رکھنڑ تے اتفاق کیتے ۔وزیراعظم سع??دی قیادت کوں مقبوضہ جموں وکشمیر اچ 70 توں ودھ ڈینھ جاری مواصلاتی پابندیاں، مسلسل لاک ڈاﺅن اتے کرفیو سمیت انسانی حقوق دی سنگین صورتحال اتے انسانی بحران بارے ڈسایا جیں دی وجہ توں80 لکھ توں ودھ کشمیریاں دی زندگی متاثر تھئی اے تے ای??دے نال علاقے اچ امن تے سلامتی کوں خطرہ تھی گے ۔ وزیراعظم عمران خان دا اجوکے سال سع??دی عرب دا اے تریجھا دورہ ہئی ،۔ پاکستان اتے سع??دی عرب دے تعلقات سانجھے اعتماد ، ہم آہنگی ، نیڑے تعاون اتے ہک ڈوجھے دی حمایت دی روایت دی بنیاد تے قائم ہن ۔ وزیراعظم ایں امر دا اعادہ کیتا جو پاکستان ہمیشہ سع??دی عرب دے رلے کھڑے ۔وزیر خارجہ شاہ محمود قریشی، وزیراعظم دے معاون خصوصی اوورسیز پاکستانیز سید ذوالفقار عباس بخاری اتے بئے اعلیٰ سطح دا وفد وی وزیراعظم دے رلے ہئی ۔
وزیر اعظم عمران خان دا سعودی قیادت نال فوجی جھیڑے توں بچنڑ اتے فریقین اچ تعمیری رابطے دی اہمیت تے زور ، وزیراعظم دے دورہ سعودی عرب تے اعلامیہ
مضمون کا ماخذ : اسکریچ کارڈز خریدیں
متعلقہ مضامین
