اسلام آباد۔27اپرېل(اے پی پی)وزيراعظم شهباز شريف او د چين وزيراعظم د دواړو هېوادونو ترمېنځه په ټولو څانګو كښې د همكارۍ په زياتولو اتفاق كړے دے دغسې چې سيمه ايز امن ٬ سوكالۍ او ثبات كښې خپل كردار ترسره كولو سره سره خپل خپل اولس ته د ګټې رسولو ګډ مقصد ترلاسه كړې شي۔ د زيارت په ورځ د وزيراعظم د دفتر ميډيا څانګې لخوا جاري شوي بيان كښې وئيلي شوي دي چې د وزيراعظم شهباز شريف او د چين وزيراعظم لي كيانګ ترمېنځه ټيلي فون خبرې وشوې په كومو كښې چې پاك چين سټرېټجك كوآپرېټو پارټنرشپ په ډاګه كړې شو۔ شهباز شريف د چين وزيراعظم ته دې منصب لپاره په ټاكل كېدو مباركي وركړه۔ وزيراعظم د “ون چائنا” پاليسۍ، تائيوان، تبت، سينکيانګ، هانګ کانګ او جنوبي چين سمندر په شمول د چين په مهمو مسئلو د پاکستان لخوا قوي ملاتړ تکرار کړو۔ هغه د جمو او کشمیر شخړې او د پاكستان د بنيادي مسئلو په ملاتړ كولو د چين مننه وكړه۔ د چين وزيراعظم چين لپاره د پاكستان د ملاتړ ستاينه كولو سره د پاكستان قومي پرمختګ ٬ خپلواكۍ او سيمه ايزې سلامتيا لپاره د چين لخوا پرله پسې ملاتړ تكرار كړو۔ په دې موقعه دواړو لارښودو د سي پېك په شمول په مهو څانګو كښې د دوه اړخيزه همكارۍ جاج واخست۔ دوئي په ټولو څانګو كښې د همكارۍ په زياتولو موافقت وكړو دغسې چې سيمه ايز امن ٬ سوكالۍ او ثبات كښې خپل كردار ترسره كولو سره سره خپل خپل اولس ته د ګټې رسولو ګډ مقصد ترلاسه كړې شي۔
د وزيراعظم شهباز شريف خپل چينائي همڅنګ سره ټيليفوني خبرې ٬ په ټولو برخو كښې د همكارۍ په زياتولو موافقت
مضمون کا ماخذ : کمپیوٹر لاٹری کی پیشن گوئی
متعلقہ مضامین
