اسلام آباد۔14جون(اے پی پی) وزيراعظم شهباز شريف وئيلي دي د هېواد د معيشت پرمختګ كښې نجي څانګه مهم كردار لوبوي٬ حكومت به د معيشت بحالۍ لپاره نجي څانګې له ټولې آسانۍ وركوي۔ د وزيراعظم آفس ميډيا ونګ لخوا د جاري شوي بيان له مخې وزيراعظم سره د سټېټ بانك پخواني ګورنر رضا باقر ملاقات وكړو۔ ده سره د كنسلټنسي فرم پلاوې هم ملګرې ؤ ۔ د پلاوي لخوا په پاكستان كښې نړيوالې سرمايه كارۍ ته د لا پراختيا وركولو په اړه وړاندېزونه وركړې شول۔ وزيراعظم هدايت وكړو چې د پاكستان ملګرو هېوادونو سره دې د سرمايه كارۍ لوظنامې د نړيوالو نوموړو فرمونو مشاورت سره ترسره كړې شي۔ په دې موقع وزيراعظم ووئيل د پاكستان په ټولو څانګو او په خاص توګه معدنيات او توان په اړه د سرمايه كارۍ بلها استعداد موجود دے۔ ده ووئيل د هېواد د معيشت په پرمختګ كښې نجي څانګه مهم كردار لوبوي٬ حكومت به د معيشت بحالۍ لپاره نجي څانګې له ټولې آسانۍ وركوي۔ په ملاقات كښې د منصوبه بندۍ او پرمختګ وفاقي وزير احسن اقبال ٬ د اقتصادي چارو وفاقي وزير احد خان چيمه ٬ د پېټروليم وفاقي وزير مصدق مسعود ملك ٬ د خزانې وفاقي وزير اورنګزېب خان ٬ د توان وفاقي وزير اوېس احمد خان لغاري ٬ د خزانې وزير مملكت علي پروېز ملك ٬ د آئي ټي وزير مملكت فاطمه خواجه او د اړوندو ادارو اعلی چارواكي موجود وو
د معيشت په پرمختګ كښې نجي څانګه مهم كردار لوبوي٬ وزيراعظم شهباز شريف
مضمون کا ماخذ : como jogar lotomania
متعلقہ مضامین
