کورنگی کراسنگ اور مین کورنگی روڈ پر ٹرک اور واٹر ٹینکر کی ٹکر سے 2 افراد جا?? بحق جبکہ 3 افراد شدید زخمی ہوگئے، حادثے کے بعد مشتعل افراد نے ٹرک کو آگ لگا دی جبکہ واٹر ٹینکر پر پتھراؤ کر کے شیشے توڑ دیے۔
تفصیلات کے مطابق کورنگی کراسنگ ندی کے قریب تیز رفتار ٹرک نے موٹر سائیکل سواروں کو روند ڈالا جس کے نتیجے میں ایک شخص جا?? بحق جبکہ 3 افراد شدید زخمی ہوگئے، واقعہ کی اطلاع ملتے ہی پولیس اور چھیپا کے رضا کار موقع پر پہنچ گئ?? اور متوفی کی لاش و زخمیوں کو جناح اسپتال منتقل کر دیا۔
ریسکیو حکام کا کہنا ہے کہ متوفی کی شناخت 60 سالہ محمد نذیر کے نام سے کی گئ?? جبکہ زخمیوں ہونے والے 3 افراد 26 سالہ جشعیب ، 50 سالہ مختیار اور 40 سالہ رب نواز کو طبی امداد فراہم کی جا رہی ہے اور ان کی حالت تشویشناک بتا??ی جاتی ہے۔
ریسکیو حکام کا کہنا ہے کہ حادثے کے ذمہ دار ٹرک کو مشتعل افراد نے آگ بھی لگا دی جبکہ پولیس نے فوری طور پر فائر بریگیڈ کو طلب کرلیا جس نے موقع پر پہنچ کر ٹرک میں لگنے والی آگ پر قابو پا کر اسے مکمل طور پر جلنے سے بچالیا۔
ایس ایچ او کورنگی صنعتی ایریا عامر رفیق نے بتایا کہ حادثے کا ذمہ دار ڈرائیور موقع سے فرار ہوگیا جس کی تلاش جاری ہے جبکہ پولیس نے ٹرک کو اپنے قبضے میں لے لیا اور زخمیوں سے مزید معلومات حاصل کی جا رہی ہے۔
دوسری جانب مین کورنگی روڈ کالا پل نجی اسپتال کے قریب تیز رفتار واٹر ٹینکر کی ٹکر سے ایک شخص ہلاک ہوگیا جس کی لاش چھیپا کے رضا کاروں نے جناح اسپتال پہنچا??ی جہاں اس کی شناخت 51 سالہ بیرج کے نام سے کی گئ?? جو کہ موٹر سائکل پر سوار تھا جبکہ واقعہ کے بعد موقع پر موجود مشتعل افراد نے پتھراؤ کر کے واٹر ٹینکر کے شیشے توڑ دیے۔
حادثے کا ذمہ دار ڈرائیور موقع سے فرار ہوگیا جبکہ پولیس نے واٹر ٹینکر اپنے قبضے میں لے لیا۔
