اسلام آباد۔7دسمبر(اے پی پی) د ټولو مكاتب فكر علماﺀ كرامو او مشائخو د سيالكوټ په پېښه د افسوس او خواخوږۍ څرګندونه كولو سره وئيلي دي چې په اسلام كښې د تشدد او انتها خوښۍ هېڅ ګنجائش نشته٬ علماﺀ كرام دې اعتدال پسندۍ ته د ودې وركولو په شمول په ټولنه كښې د انتها خوښۍ مخنيوي لپاره خپل په زړه پورې كردار ترسره كول وي دغسې چې هېواد د امن او مينې مركز جوړ كړې شي۔ د سري لنكا هائي كمشنر موهن وجے د سيالكوټ په پېښه د ګرد هېواد څخه د خواخوږۍ او غمرازۍ كوؤنكو مننه كولو سره ووئيل دې پېښې سره به دوه اړخيزه اړيكې اغېزمنې نه شي۔ د نهې په ورځ د وزيراعظم د مذهبي همغږۍ خصوصي استازي او د پاكستان علماﺀ كونسل چيئرمېن حافظ محمود اشرفي سره د ټولو مكاتب فكر علماﺀ كرامو او مشائخو د سري لنكن هائي كمېشن دوره وكړه او هائي كمشنر سره ئې د سيالكوټ په پېښه د زړه د كومي نه خواخوږي او غمرازي ښكاره كړه۔ په دې موقعه خبري كنفرنس ته خپل خطاب كښې حافظ محمود اشرفي ووئيل زه باور دركوم چې پاكستان به د سيالكوټ پېښې حوالې سره د انصاف ټولې تقاضې ترسره كوي٬ مونږ ځپلې كورنۍ سره غمرازي ښكاره كوؤ او ځپلې كورنۍ سره هره ممكنه مرسته كولو له چمتو يؤ۔ هغه ووئيل په دې پېښه كښې ككړ عناصر به خپل انجام ته ورسي۔ په دې موقعه مولانا تقی عثمانی ووئيل سيالكوټ كښې د رامخې ته شوې پېښې ټولو مكاتب فكر غندنه كړې ده٬ مونږ ته په دې پېښه افسوس دې او سري لنكا سره غمرازي ښكاره كوؤ٬ مونږ د سري لنكا اولس په غم كښې يو برابر شريك يؤ۔ هغه ووئيل سري لنكن هائي كمشنر ته باور وركوؤ چې په دې پېښه كښې ككړ عناصرو ته به سخته سزا وركولې شي۔ صاحبزادہ حامد سعید کاظمی ووئيل سری لنکا زمونږ ملګرې هیواد دې، ټولو دا پیښه غندلې ده، د سری لنکا هائي كمېشن ته زمونږ د راتللو مقصد هم د سری لنکا هائي كمېشن سره د خواخوږۍ څرګندونه ده۔ هغه ووئيل دا ډول پېښې زمونږ په اړيکو کښې لرې والې پېدا كولې نه شي۔ پروفېسر ساجد مير ووئيل مونږ دلته په سيالكوټ كښې په شوې پېښه د غمرازۍ او خواخوږۍ څرګندولو لپاره راغلي يو۔ علامه عارف واحدي ووئيل د ټولو مکتبونو علما د سري لنکا وروڼو سره د پيوستون څرګندونه کولو لپاره د پاکستان نمايندګي كولو له دلته راغلي دي٬ سري لنكن وروڼو سره د يو والي څرګندونه كوؤ۔ د سري لنکا هائي کمشنر موهن وجے ووئيل د ټول پاکستان نه علماﺀ د سري لنکا هائي کمشن ته راغلي دي زه د ټولو مننه کوم٬ د سيالکوټ پېښه د افسوس وړ ده ٬ دا ډول پېښه د پاكستان په شمول بايد ټوله نړۍ كښې رامخې ته نه شي٬ مونږ د دې غندنه كوؤ۔ هغه غوښتنه وكړه چې دې پېښه كښې ككړ كسان دې نيولو سره سختې سزا سره مخ كړې شي۔ هغه ووئيل د ګرد پاكستان نه د ژوند هرې يوې څانګې سره تعلق لرونكي مونږ ته فون كولو سره د افسوس څرګندونه كوي او د غمرازۍ پېغامونه رالېږي۔ هغه ووئيل پاكستان او سري لنكا پخوانۍ اړيكې لري او دې پېښې سره به دا اغېزمنې نه شي۔ وروستو د ګډې اعلاميه د اسلامي نظرياتي كونسل چيئرمېن ډاكټر قبله اياز لوستلو سره واورلو۔ اعلاميه كښې ووئيلې شؤ چې مونږ د سری لنکا سفارت ته د 3 دسمبر په غمجنه پېښه غمرازي ښكاره كولو له راغلې يؤ۔ د سيالكوټ دا اوسنۍ پېښه يوه الميه ده چې په نتيجه كښې ئې د پاكستان په شمول په ټوله نړۍ كښې غم او غصه خپره شوې ده۔ بې رحمۍ سره يو انسان ووهلې شو او بيا وژلو سره د هغه مړې وسوزولې شو۔ د غېر قانوني وژنې دا پېښه زياته خوفناكه او وحشتناكه ده۔ د ثبوت نه غېر د سپكاوي تور لګول غېر شرعي دي۔ اعلاميه كښې ووئيل شؤ چې دا ټول صورتحال د قرآن وسنت ٬ د اسلامي جمهوريه پاكستان او په هېواد كښې د جرم او سزا قانون په ضد دے۔ د دې چې څومره هم غندنه وكړې شي كمه ده۔ هغه ووئيل په پېغام پاكستان كښې هم د دې ډول هر مسلح اقدام نفي شوې ده۔ پیغام پاکستان ته د پاكستان د ټولو مكاتب فكر علماﺀ كرامو او مدارس بورډز تائيد ترلاسه دې۔ په اعلاميه كښې وئيلې شوي دي چې د دې شرخوښو په ضد دې د هېواد قانون لمخې سخت قانوني اقدامات وكړې شي۔ هغه ووئيل په دې غمجنې پېښه كښې يوه ښه خبره دا وه چې ځوان ملك عدنان خپل ژوند خطر كښې اچولو سره د وژلې كېدونكي بې ګناه تن د بچ كولو بشپړه هڅه وكړه٬ د ده دا اقدام د ستائنې او تقليد وړ دے۔ د وزيراعظم دې ځوان ته ډاډګيرنې له د تمغه شجاعت وركولو اعلان يو په زړه پورې ګام دے۔ دا ننۍ غونډه دا پرېكړه كوي چې په اسلام كښې د تشدد هېڅ ګنجائش نشته نو ځكه علماﺀ كرام دې اعتدال پسندۍ ته وده وركړي ٬ د انتها خوښۍ مخنيوي له دې ټولنه خپل بشپړه كردار ترسره كړي دغسې چې پاكستان د امن او سولې مركز جوړ شي۔ په دې موقعه پیر نقیب الرحمن، پیر علی رضا بخاری، پیر حبیب الحق، پخوانې وفاقی وزیر حامد سعید کاظمی، صاحبزادہ حسان حسیب الرحمن، پیر حبیب عرفانی، مفتی عبدالرحیم، قاری حنیف جالندھری، د رويت هلال كمېټۍ چيئرمېن مولانا عبدالخبیر آزاد، مولانا طیب طاهری، مولانا زاهد الراشدی، مولانا انوار الحق، علامه امین شهیدی، علامه عارف واحدی، سېنېټر پروفېسر ساجد میر، مولانا یوسف کشمیری او مولانا محمد سلفی هم موجود
سيالكوټ پېښه به دوه اړخيزې اړيكې اغېزمنې نه كړي٬ موهن وجے٬ اقدام د قرآن وسنت او آئين په ضد دے ٬ د ګډې اعلاميه
مضمون کا ماخذ : loterias da caixa
متعلقہ مضامین
