باکو۔12نومبر (اے پی پی) وزیرِ اعظم محم?? شہباز شریف دی باکواچ کاپ۔29 دے کلائمیٹ ایکشن سربراہی اجلاس دی افتتاحی تقریب دے موقع تے عالمی رہنماواں نال غیر رسمی ملاقاتاں کیتی۔ منگل کوں وزیراعظم دفتر دے پریس ونگ توں جاری بیان موجب وزیرِاعظم دی متحدہ عرب امارات دے صدر محمد بن زید النہیان نال ملاقات تھئی جئیں اچ پاکستان۔متحدہ عرب امارات وچال موسمیاتی تبدیلی بارے تعاون سودھے آپسی دلچسپی دے معاملیاں تے ڳالھ کیتی ڳئی۔ وزیرِ اعظم دی ترکیہ دے صدر رجب طیب اردوان اتے ترکیہ دی خاتون اول امینہ اردوان نال وی ملاقات کیتی جئیں اچ ترکیہ پاکستان دے ماحولیاتی آلودگی اتے موسمیاتی تبدیلی کوں عالمی سطح تے اجاگر کرݨ بارے تعاون سودھے دلچسپی دے معاملیاں تے ڳالھ تھئی۔ وزیرِ اعظم دی برطانیہ دے وزیرِ اعظم سر کیئر سٹارمر نال ملاقات تھئی جئیں اچ ݙوہیں رہنماواں پاکستان برطانیہ تعاون دے ودھارے بارے ڳالھ کیتی۔ وزیرِ اعظم دی ازبکستان دے صدر شوکت مرزیوف اتے تاجکستان دے صدر امام علی رحمن نال ملاقات اچ وسط ایشیائی ممالک اتے پاکستان اچ گلیشیئرز تے آبی وسائل دے تحفظ تے ڳالھ تھئی۔ نیپال دے صدر رام چندر پاؤڈیل اتے بنگلہ دیش دی عبوری حکومت دے چیف ایڈوائزر ڈاکٹر محمد یونس نال وزیراعظم دی ملاقات اچ جنوبی ایشیا اچ ودھدے ہوئے درجہ حرارت، اتے جنگلات دے تحفظ تے ڳالھ تھئی۔ وزیرِ اعظم دی قازقستان دے صدر قاسم جومارت توکایف نال وی ملاقات تھئی جئیں اچ پاکستان قازقاستان تعلقات دے ودھارے بارے ڳالھ تھئی۔ ایں توں پہلے وزیرِ اعظم محم?? شہباز شریف باکو، آذربائیجان میں کانفرنس آف پارٹیز (کاپ۔29 ) دے کلائمیٹ ایکشن سربراہی اجلاس دی افتتاحی تقریب اچ شرکت کیتے پڄ??ے جتھ سیکرٹری جنرل اقوام متحدہ انتونیو گوتریش اتے آذربائیجان دے صدر الہام علیوف وزیراعظم دا استقبال کیتا۔ وزیرِ اعظم کاپ۔29 دے کلائمیٹ ایکشن سربراہی اجلاس دی فیملی فوٹو اچ وی شریک تھ??ے جئیں اچ آذربائیجان دے صدر اتے اقوام متحدہ دے سیکرٹری جنرل خطاب کیتا۔ وزیرِ اعظم باکو اچ تھیوݨ آلی کاپ-29 دے کلائمیٹ ایکشن سربراہی اجلاس اچ پاکستان کوں موسمیاتی تبدیلی دے خطریاں تے روشنی پیسن۔ وزیرِ اعظم کاپ۔29 دے کلائمیٹ ایکشن سربراہی اجلاس اچ چھل دی تباہ کاریاں توں متاثر تھیوݨ آلے لکھاں پاکستانیاں دا مقدمہ لڑسن اتے دنیا کوں ݙسیسن جو پاکستان دا کاربن گیساں دے اخراج اچ حصہ نہ ہووݨ دے برابر اے۔ وزیراعظم عالمی رہنماواں خصوصی طور ترقی پذیر ملکاں کون انہاں دی موسمیاتی تبدیلی بارے ذمہ واری قبول کرݨ اتے ترقی پذیر ملکاں کوں انہاں چیلنجز نال نبڑݨ اچ مدد ݙیوݨ تے زور ݙیسن۔
وزیرِ اعظم محمد شہباز شریف دی باکواچ کاپ۔29 دے کلائمیٹ ایکشن سربراہی اجلاس دی افتتاحی تقریب دے موقع تے عالمی رہنماواں نال غیر رسمی ملاقاتاں
مضمون کا ماخذ : لوٹوفاسیل
متعلقہ مضامین
.jpg)
.jpg)
