اسلام آباد۔18فروری(اے پی پی)وزی??اع??م عمران خان آکھیے جو حکومت ??ورونا دے باوجود ݙھائی سال اچ ریکارڈ 20 ارب ڈالر دے بیرونی قرضے ولائن، 6 ہزار ارب روپے قرض دیاں قسطاں ݙتن جیڑھا ہک ریکارڈ اے،ملکی معیشت مثبت ویندی پئی اے، بینک عام لوکاں کوں گھر بݨاوݨ کیتے قرض ݙیون، بیرون ملک پاکستانیاں کوں روشن ڈیجیٹ?? اکاؤنٹ بارے ݙساوݨ کیتے تشہیری مہم چلائی ونڄے، صنعتی پہیہ ولا بحال تھیوݨ اتے تیزی نال ترقی کرݨ وݙی کامیابی اے۔ اے ڳالھ وزی??اع??م عمران خان روشن ڈیجیٹ?? اکاؤنٹ نال بھیڄے ڳئے ترسیلات زر 500 ملین ڈالر توں ودھݨ دی تقریب نال خطاب اچ آکھی۔ انہاں تقریب اچ شریک کرکٹرز اتے بینکرز کوں خوش آمدید آہدے گورنر سٹیٹ بینک کوں ایں کامیابی تے مبارک ݙتی۔ انہاں آکھیا جو اوورسیز پاکستانیاں توں فیدہ چاوݨ کیتے وݙی کوشش ہئی جیڑھے ملک دا ترکہ ہین۔ وزی??اع??م آکھیا جو ملک ٻہوں اوکھے معاشی حالات اچ ملیے، بھل اڄوکی حکومت دے ویلھے سر اقدامات نال معیشت تکڑی تھیندی پئی اے، ملک حالات اینڄے حالات اچ ودھین ڄݙاں پورے ڄڳ اتے خطے اچ برآمدات تلے وینداں پین، ایں تبدیلی اچ سٹیٹ بینک دے روشن ڈیجیٹ?? اکاؤنٹ دا وݙا کردار اے، سٹیٹ بینک سمندرپار پاکستانیاں رابطے ودھیندے ہوئے انہاں دی سہولت کیتے ہک سیل بݨاوے جو او سوکھیں اپݨا پیسہ وطن بھیڄ سڳن، 97 ملکاں اچ روشن ڈیجیٹ?? اکاؤنٹ دے تحت 88 ہزار اکاؤنٹس کھولیے ڳین۔ انہاں آکھیے جو ہݨ تئیں حکومت ریکارڈ قرضے واپس کیتن، اتنے وݙے قرضے دے باوجود اتنی وݙی ادائیگی ہک معجزہ اے،ساݙے اقتصادی اعشاریے چنڳے تھیندے پین، ساکوں سمندرپار پاکستانیاں توں استفادہ کیتے ٻیا سوچݨا چاہیدے۔وزی??اع??م روشن ڈیجیٹ?? اکاؤنٹ اتے ٻئے حکومتی منصوبیاں اچ چنڳی کارکردگی آلے بینک نمائنداں کوں اعزازات وی ونݙین۔
کورونا دے باوجود ݙھائی سال اچ ریکارڈ 20 ارب ڈالر دے بیرونی قرضے ولائن، 6 ہزار ارب روپے قرض دیاں قسطاں ݙتن، وزیراعظم عمران خان دا روشن ڈیجیٹل اکاؤنٹ دی تقریب نال خطاب
مضمون کا ماخذ : میگا سینا آن لائن
متعلقہ مضامین
.jpg)
.jpg)
