اسلام آباد۔4 فروری(اے پی پی) بشري حقونو لپاره د وزيراعظم خاص مرستيالې مشعال ملك وئيلي دي چې د كشمير يووالي ورځې په موقعه به كشميري اولس سره د بشپړه پېوستون څرګندونه كولې شي٬ هند په مقبوضه كشمير كښې د هندو آبادكارۍ اقدامات كوي ٬ د ملګرو ملتونو په نګرانۍ كښې به په كشمير كښې د مردم شمارۍ غوښتنه كوؤ٬ هند په پاكستان كښې ترهګرۍ كښې ككړ دے۔ د كشمير يووالي ورځې مناسبت سره د كل جماعتي حريت كنفرنس (آزاد كشمير) لارښودو غلام محمد صفی، محمود احمد ساغر، فاروق رحمانی او نورو سره په پي آئي ډي كښې خبري كنفرنس ته خپل خطاب كښې مشعال ملك ووئيل هند د سياسي او مذهبي لارښودو غږ غلې كول غواړي٬په مقبوضه كشمير كښې مذهبي مقامات په هندوتوا كښې بدلولې شي۔ دې ووئيل آر اېس اېس يو ترهګر تنظيم دے ٬ په پاكستان كښی را په ترهګرۍ كښې ككړه ده٬ په هند كښې فاشزم مخ په زياتېدو دے٬ په دې بايد بندېزونه ولګولې شي۔ د هند لخوا په كاناډا ٬ پاكستان او آزاد كشمير كښې ټارګټ كلنګ وكړې شو۔ دې ووئيل په مقبوضه كشمير كښې د مسلمانانو مذهبي ځايونه شهيد كولې شي۔ دې ووئيل د نړيوال قانون له مخې هند چې كومه نسل كشي كوي هغه اسرائيل سره مطابقت لري بلكې د هغې نه هم زياته ده۔ دې ووئيل نړۍ ته دې د فلسطين په ډول په كشمير كښې روانه نسل كشي هم په ډاګه كړې شي۔ دې ووئيل كشمير د برصغير د وېش نيمګرې ايجنډا ده۔ دې ووئيل مونږ له به په كشمير كښې د مسلمانانو د آبادۍ تناسب بدلولو اقدامات په نړيواله كچه په ډاګه كول وي ٬ د اسلامي هېوادونو تنظيم (اوآئی سی) او نورو اسلامي تنظيمونو له به هم خپل كردار ترسره كول وي۔ د يوې پوښتنې په ځواب كښې دې ووئيل ما د پاكستان په خارجه دفتر كښې د لیګل سېل جوړولو وړاندېز وركړے دے٬ دغسې چې د هند لخوا د بشري حقونو خلاف ورزۍ په ډاګه كړې شي۔ حریت لارښود غلام محمد صفي په دې موقعه ووئيل د 5 فرورۍ اعلان سيد علي ګېلاني كړې وو ، د پاكستان حكومت ددې اعلان تائيد وكړو او اوس په ګرده نړۍ كښې دا ورځ كشميري اولس سره د يووالي څرګندونې په توګه لمانځلې شي۔ ده ووئيل په بشپړه مرسته كولو د پاكستاني حكومت او اولس مننه كوؤ۔
ټول پاكستانې اولس كشميريانو سره ولاړ دے٬ په 5 فروري به كشميريانو سره د بشپړه يووالي څرګندونه وكړې شي٬ د خاص مرستيالې مشعال ملك حريت لارښودو سره په ګډه خبري كنفرنس
مضمون کا ماخذ : estratégias loteria وفاقی
متعلقہ مضامین
