نیو یارک ۔27ستمبر (اے پی پی) وزیراعظم محمد شہبازشریف آکھیے پاکستان دی معیشت دے سارے شعبیں اچ امریکی سرمایہ کار ی گھن آو حکومت دی ترجیح ا?? کاروبار اچ سوکھ سانڳے سہولتاں ݙیوݨ تے توجہ ݙیندے پیوں ، خصوصی سرمایہ کاری سہولت کونسل دے قیام دا مقصد سرمایہ کاراں دا اعتماد ودھاوݨ، مسئلیں دا وختی حل تے سہولت کاری دے ذریعے منصوبوں تے عمل درآمد کوں تکھا کرݨا اے ۔ اے ڳالھ انھاں گزریل ݙینھ اقوام متحدہ دی جنرل اسمبلی دے 79 ویں اجلاس اچ شرکت سانڳے آپݨے دورہ نیویارک تے امریکا پ??کستان بزنس کونسل دے وفد توں خطاب اچ آکھی ۔ ایں موقع تے کونسل دے صدر اتے ٻئے اعلیٰ عہدیداراں اتے امریکہ د?? کارپوریٹ انٹ??پر??ئزز دے سربراہ وی موجود ہن۔وزیر اعظم پاک امریکا تجارتی اتے سرمایہ کاری تعلقات کوں مزید ودھاوݨ سانڳے ݙسائے پاکستان دی معیشت دے سارے شعبیں اچ امریکی سرمایہ کاری گھن آوݨ حکومت دی ترجیح اے ، حکومت پاکستان کاروباراچ سہولتاں ݙیوݨ تے توجہ ݙتی اے ایں سلسلے اچ کارپوریٹ حلقیں دیاں تجویزاں کوں ترجیح ݙتی ویندی پئی اے ۔ شرکا کوں خصوصی سرمایہ کاری سہولت کونسل نال متعارف کرویندے وزیراعظم ایں ڳالھ تے زور ݙتے جو ایس آئی ایف سی ھک اعلیٰ سطح دی ون ونڈو ایجنسی اے جیڑھے غیر ملکی سرمایہ کاراں کوں چار اہم شعبیں دے، زراعت، انفارمیشن ٹیکنالوجی، توانائی، ات?? کان کنی اچ منصوبہ سازی اتے عمل درآمد دے حوالے نال سہولت ݙیندی پئی اے ۔ وزیر اعظم ݙسائے جو ایس آئی ایف سی دا مقصد سرمایہ کاراں دا اعتماد ودھاوݨ ، مسئلیں دا وختی حل تے سہولت کاری دے ذریعے منصوبیں تے عمل درآمد کوں تکھا کرݨا اے ۔ وزیراعظم ݙسائے پاکستان دی معیشت دے مختلف شعبیں خاص کر زراعت، فن ٹیک، دوا سازی، تیل تے گیس ات?? کان کنی سودھے ٹیکنالوجی سیکٹر دی نشاندہی کیتی جتھاں امریکی کمپنیاں حکومت دی پالیسیاں توں فیدہ چا سڳدن تے سانجھے طور تے فیدہ مند منصوبے شروع کرسڳدن ۔ اجلاس اچ پاکستان اچ امریکی سرمایہ کاراں دے سینئر نمائندیں شرکت کیتی جنھاں اچ سینئر نائب صدر اتے ا??ٹر??یشنل یو ایس چیمبر آف کامرس دے سربراہ جان مرفی، ایگزیکٹیو ڈائریکٹر ایشیا،صدر امریکا پ??کستان بزنس کونسل ایسپرانزا جیلالیان ،ایکسلریٹ انرجی دے صدر اتے چیف ایگزیکٹو افسر اسٹیون کوبوس ، پیپسی کو، ایکسیلیریٹ انرجی، ٹی آر جی پاکستان، ماسٹر کارڈ، پی اینڈ جی ، ایلومینا اتے ایبٹ دے سینئر نمائندے شامل ہن ۔ امریکا پ??کستان بزنس کونسل دی صدر ایسپرانزا جیلالیان اپݨے ریمارکس اچ آکھیے جو پاکستان امریکی سرمایہ کاری سانڳے سازگارجاہ تے تے ایں حوالے نال کافی استعداد موجود اے۔ انہاں مزید آکھیے کونسل دے وفد دا پاکستان دا دورہ وختی متوقع اے اتے ایں دورے اچ سرمایہ کاری دے مزید موقع ڳولݨ دا موقع ملسی ۔ بعد اچ امریکی کاروباری کمپنیاں دے نمائندیں وزیر اعظم نال ڳالھ مہاڑ کیتی تے وزیراعظم انھان دے سوالاں دے جواب وی ݙتے۔
