اسلام آباد ۔10اګست(اے پی پی)د پاکستان انسټی ټیوټ آف لېجسلیټو ډویلپمنټ اېنډ ټرانسپیرنسی (پلډاټ) تجزيې له مخې په 15م قومي اسمبلۍ كښې د قانون سازۍ په چارو كښې 45 فيصده اضافه ريكارډ كړې شوه٬ 15 مې قومي اسمبلۍ د 14 مې قومي اسمبلۍ د 192 قوانينو په مقابله كښې په مجموعي توګه 279 بلونه منظور كړل۔ وزیر اعظم د قائد ايوان په حېث د اسمبليو په غونډه كښی 17 فيصده او پخواني وزيراعظم عمران خان 11 فيصده حاضري څرګنده كړی وه ۔ 15 مې قومي اسمبلۍ كښې دوه حكومتونه رامخې ته شول۔ اولنې 18 اګست 2018 څخه تر 10 اپرېل 2022 د عمران خان په مشرۍ كښې او دويم د شهباز شريف په مشرۍ كښې 11 اپرېل 2022 څخه تر 9 اګست 2023 جاري پاتې شو۔ د عمران خان په مشرۍ كښې د تحريك انصاف حكومت قانون سازۍ لپاره په آرډیننسز زيات انحصار وكړو۔ په قومي اسمبلۍ كښې 5 كاله كښې اېښودلې شويو 75 آرډیننسز كښې يوازې 3 مخلوط حكومت جاري كړل او 72 د پي ټي آئي حكومت جاري كړي۔ د 15 مې قومي اسمبلۍ لخوا د منظور كړې شويو آرډيننسز شمېره كښې 97 فیصده اضافه وليدلې شوه۔ د 15 قومي اسمبلۍ په وروستو درې اونيو كښې 73 بلونه منظور كړې شول۔ د 5 كلنې مودې په مهال د 15 مې قومي اسمبلۍ 452 غونډې وكړې شوې۔ ددې په مقابله كښې 14 مې اسمبلۍ 495 غونډې كړې وې۔ 15 مه قومي اسمبلۍ كښې د پاكستان په تاريخ كښې په اولني ځل د كوم وزيراعظم په ضد د عدم اعتماد د كاميابۍ يوه ځانګړې تجربه رامخې ته شوه۔ 15مه قومي اسمبلۍ د خپلې مودې په ترسره كولو كښې كاميابه شوې 4 مه اسمبلي وه۔ دې څخه وړاندې په كال 2002ء، 2008ء او 2013ء كښې ټاكلې شويو اسمبليو خپله آئيني موده ترسره كړې وه۔
په 15م قومي اسمبلۍ كښې د قانون سازۍ په چارو كښې 45 فيصده اضافه ريكارډ كړې شوه٬ په مجموعي توګه 279 بلونه منظور كړې شول ٬ پلډاټ
مضمون کا ماخذ : آن لائن لاٹری
متعلقہ مضامین
