اسلام آباد 15مارچ (اے پی پی)وزيراعظم عمران خان وئېلي دي زمونږ حكومت په درې نيمو كلونو كښې چې څومره كار كړے نورو په 35 كلونو كښې هم نه دے كړے٬زه د كوم هېواد په ضد نه يم بلكې د پالېسو يې په ضد يم٬په هر نړيوال فورم مو د اسلامو فوبيا مسئله په ډاګه كړې٬ زمونږ په هڅو په ملګرو ملتونو كښې د اسلاموفوبيا په ضد قرارداد منظورېدونكے دے۔په هند كښې په مشرتابه لپاره دعا كوم چې دغسې هغه كشميريانو ته بنيادي حقونه وركړي٬كه هند د اګست د 5مې نېټې اقدام بېرته واخلي نو هند سره بيا خبرې كېدې شي او حالات معمول ته راتللے شي۔ د عدم اعتماد د ناكامۍ نه پس د كال 2023م ټاكنې هم د اپوزېشن د لاسه ووتلې٬يو بل ته كرپټ وئيونكي رايوځاے شوي٬زمونږ بهادر وسله وال ځواكونه د نړۍ په غوره ځواكونو كښې شامل دي٬د پاكستان ځواكونه د هېواد د دفاع بشپړ صلاحيت لري٬سره د لاكهونو اختلافاتو ذوالفقار علي بهټو خود داره ليډر ګڼم٬بهټو اسلامي امت متحد كړے ؤ٬د اسلامي مشرانو كنفرنس يې رابللے ؤ ٬د مارچ په 27مه نېټه به ټول پاكستان اسلام آباد ته راځي۔ده دا خبرې د نهې په ورځ د پاكستان تحريك انصاف تر سيوري لاندې د سمندر پورې پاكستانيانو كنونشن ته په خپله وېنا كښې وكړې۔وزيراعظم ووئيل د ټولو سيمو نه غږونه راځي چې د مارچ په 27مه نېټه به مونږ اسلام آباد ته راځو۔وزيراعظم ووئيل نواز شريف 20 كاله قام ته وئېلي وو چې د زرداري نه لويې كرپټ څوك نشته٬دوه ځله يې زندان ته اچولے٬د نواز شريف په ضد د پيسې غلا او بهر لېږل او بيا د هغه ځاې نه په بېرته راوړلو د حديبيه پيپر ملز كيس زرداري جوړ كړے ٬ ده ووئېل مولانا فضل الرحمان د 30 كلونو څخه په مذهب سياست كوي٬د هغه ګوند مسلم ليګ(ن) او پيپلز پارټي غله ګڼي٬مسلم ليګ(ن) او پيپلز پارټي يو بل غله ګڼي۔ ده ووئېل درې واړه غله رايوځاې شوي او د عدم اعتماد پريكړه يې كړې۔په كومه ورځ چې دوي د عدم اعتماد تحريك وړاندې كړو ما دوه ركعته د شكرانې نفل ادا كړل٬درې نيم كاله د حكومت ختمېدو٬د نااهلۍ او د سليكټډ په الفاظ اورېدو تنګ شوے ووم٬اوس درې واړه د كپتان په شيش دي۔ده ووئيل د دې خلكو خيال ؤ چې داسې به اولس د دوي غلا هيره كړي خو دوي پاكستانے قام نه پېژني۔نواز شريف د جنرل جېلاني په اوږه اقتدار ته راغلے ؤ ٬هغه كله محنت نه دے كړے٬ ده ووئېل فضل الرحمان د 30 كلونو نه په مذهب سياست كوي٬مونږ محنت كړےستونزې مو ليدلېي او دې ځاې ته رارسېدلې يو٬دوي زمونږ مقابله نشي كولې٬دوي په غلط فهمۍ كښې پراتهع دي۔وزيراعظم سمندر پورې پاكستانيان اثاثه ګرځولو سره ووئيل كله چې دوي په محنت كولو ګټلې پېسه وطن ته رالېږي او د دې ځاې واكمن پېسه غلا كولو سره په لندن كښې په ګرانو سيمو كښې محلونه جوړولو سره پاتې كېږي نو دې بهر مېشته خلقو ته ډېر تكليف وي٬ تاسو به د پاكستان په اړه كوم ښه خبر نه اورېدو٬مونږ ستاسو د اهميت مكمل احساس لرو٬ ده ووئېل مونږ تاسو لپاره آسانې راپېدا كوو٬د دوي د ترسيلات زر په وجه هېواد چلېږي۔وزيراعظم ووئيل بدعنوان سياستمدانان د هېواد د بدنامۍ سبب جوړېږي۔وزيراعظم ووئيل د دې دواړو په حكومتونو كښې په پاكستان 400 ډرون بريدونه شوي او په كښې په سلګونو بې ګناه خلق وژلې شوي ۔د ډرون بريدونو كوونكې هېوادنه په خپلو هېوادونو كښې چاته د قانون ماتولو اجازه نه وركوي۔وزيراعظم عمران خان ووئيل چې زه د امريكې٬برتانيې او هند پشمول د كوم هم هېواد په ضد نه يم بلكې د كوم هېواد د پالېسو په ضد كېدے شم٬ما تل د ترهه ګرۍ په ضد د جنګ مخالفت كړے ځكه چې په دې جنګ كښې بې ګناه خلق وژلے كېدل۔ما د عراق جنګ په ضد په برتانيه كښې په كېدونكو مظاهرو كښې ګډون كړے٬د برتانيې يوه لويه طبقه د دغې په ضد وه۔ ده ووئېل په هند كښې ليك لوستي او ډېر خلق د هندتاوا د نظريې مخالفت كوي او ګڼي چې دا د تباهۍ لار ده٬هلته مېډيا او ججز يرې سره مخ دي٬مونږ دعا كوو چې په هند كښې ښه مشران راشي او كشميريانو ته خپل حقونه وركړي۔وزيراعظم ووئيل د 80 په لسيزه كښې په افغان جهاد كښې مونږ د امريكې اتحاديان وو خو د دې جنګ نه پس په مونږ بندېزونه ولګولې شول٬د نائن اليون نه پس كله چې زمونږ ضرورت شو نو بيا ووئيل شول چې اوس به پاكستان سره زياتې نه كوو٬په دې جنګ كښې 80 زره پاكستانيان په حق رسېدلي او زمونږ معيشت تباه شوے ٬ ده ووئېل د فاټا څخه 35 لكه خلقو كډې كړي خو چا زمونږ مننه هم ونه كړه٬غلطي زمونږ وه كه مونږ خپل ځان استعمالول غواړو نو نړۍ به مو استعمال كړي او كه خپل استعمال نه غواړو نه بل څوك مونږ نشي استعمالولے۔وزيراعظم ووئيل مونږ سمندر پورې پاكستانيانو ته د ووټ حق وركړے٬مونږ ستاسو تل اثاثه ګرځولې۔ده ووئيل سمندر پورې پاكستانيان دې په پاكستان كښې سرمايه كاري وكړي٬په انډسټرۍ كښې دې جوائنټ وينچر وكړي۔ده ووئيل سمندر پورې پاكستانيانو لپاره د آسانې راپیدا كولو په اړه پاكستاني مشنز ته هدايات جاري كړی شوي ۔وزيراعظم ووئيل د سمندر پورې پاكستانيانو بهترۍ او آسانيو لپاره به حكومت بشپړه هڅې كوي۔په دې موقع د وزيراعظم د سياسي هڅو په اړه ډاكومنټري هم وښودلې شوه۔وزيراعظم كنفرنس ګډون كوونكو سره ګروپ فوټو هم جوړ كړو
د عدم اعتماد تحريك ناكامۍ نه پس د كال 2023م ټاكنې هم د اپوزېشن د لاسه ووتلې٬يو بل ته كرپټ وئيونكي رايوځاے شوي٬زمونږ په هڅو په ملګرو ملتونو كښې د اسلاموفوبيا په ضد قرارداد منظورېدونكے دے۔د وزيراعظم عمران خان د سمندر پورې پاكستانيانو كنونشن ته وېنا
مضمون کا ماخذ : سلاٹ فادر
متعلقہ مضامین
