میرپور ۔ 06 فروری (اے پی پی)وزیراعظم عمران خان ’ بھارتی وزیراعظم نریندر مودی کوں مخاطب کریندیں ہوئیں آکھیا جو مودی کہیں غلط فہمی اچ نہ رہویں،پاکستان تے حملہ تیڈی چھیکڑی غ??طی ہوسی،پاکستان اچ کوئی موت توں نی ڈردا،اساں اللہ تے یقین رکھیندوں،مقبوضہ کشمیر اچ کرفیو ودھ عرصہ نی رہ سگدا جئیں ڈینھ کرفیو چویا بندیاں دا سمندر آزادی دی آواز بنڑ کراہیں نکلسی اتے مودی دے ہتھ اچ کجھ نہ رہسی،پاکستان جنگ نی پر امن طریقے نال مسئلے حل کرنڑ چاہندے،اج پوری دنیا مقبوضہ کشمیر دی عوام دے حالات جانڑدی اے،کشمیر دا مسئلہ بین الاقوامی سطح تے اہمیت اختیار کر گئے۔اے گالھیں انہاں خمیس کوں اتھاں میر پور اچ یکجہتی کشمیر ریلی نال خطاب کریندیں ہوئیں آکھی۔ تقریب اچ وزیراعظم آزاد جموں وکشمیرراجا فاروق حیدرخان، وزیر خارجہ شاہ محمود قریشی، وفاقی وزیرامور کشمیر علی امین گنڈا پور، وزیراعظم دی معاون خصوصی برائے اطلاعات تے نشریات فردوس عاشق اعوان، پارلیمنٹ دی کشمیر کمیٹی دے چیئرمین سید فخر امام، سینیٹ دی قائمہ کمی??ی برائے اطلاعات تے نشریات دے چیئرمین سینیٹر فیصل جاوید، تحریک انصاف آزاد جموں وکشمیردے صدر بیرسٹر سلطان محمود چوہدری، حریت رہنما سید عبداللہ گیلانی وی شرکت کیتی۔وزیراعظم آکھیا جو مقبوضہ کشمیر اچ 80لکھ لوک پنج اگست دے بعد اوکھ اچ ہن۔انہاں آکھیا جو اج ایں جلسے دا مقصد انہاں کوں سنھیا ڈیونڑ اے جو صرف آزاد کشمیر نی پوری پاکستانی قوم مقبوضہ کشمیر دی عوام دے نال اے۔اوکھے ویلھے صبر کرنڑ آلے کوں اللہ تعالیٰ بہوں پسند کریندے۔انہاں آکھیا جو ،مقبوضہ کشمیر دی عوام سانگے چنگا ویلھا آونڑ آلا اے،5اگست دے نریندر مودی دے تکبر اچ چاتے گئے قدم کشمیریاں دی آزادی دا رستہ سوکھا کیتے،ایمان اے جو مقبوضہ کشمیر کوں آزاد تھیونڑ توں ہنڑ کوئی نہ روک سگدا۔
مودی کہیں غلط فہمی اچ نہ رہویں،پاکستان تے حملہ تیڈی چھیکڑی غلطی ہوسی ، وزیراعظم عمران خان دا میر پور اچ یکجہتی کشمیر ریلی نال خطاب
مضمون کا ماخذ : لاٹری ٹکٹ کے نتائج
متعلقہ مضامین
