اسلام آباد۔1ستمبر(اے پی پی)وزیر خارجہ شاہ محمود ??ریشی چتائے جیکر افغانستان کوں ولا کلہا چھوڑ ݙتا ڳیا تاں ایندے نتیجے چنڳے نہ نکلسن، ملک ولا خانہ جنگی وات آ سڳدے اتے خطے اچ دہشت گردی دی نویں لہر کھنݙ سڳدی اے، افغانستان اچ جنگ مکاوݨ اتے انخلا سانڳے پاکستان دے تحفظات ہک پاسے سٹ ݙتے ڳین۔ برطانوی نیوز چینل ’’سکائی نیوز ‘‘کوں انٹرویو اچ انہاں افغانستان تون انخلا دی صورتحال تے تنقید کیتی اے جو انخلا دا عمل ذمہ دارانہ کائنا ہا، ہݨ مغرب کوں چاہیدے جو او طا??بان دی نویں حکومت کوں آزماوے جو او آپݨے وعدے نبھاون، جیکر مغرب طا??بان نال ڳالھ مہاڑ چھوڑ ݙتی تاں افغانستان ولا خانہ جنگی دا شکار تھی سڳدے۔ وزیر خارجہ طا??بان دے ابتدائی بیانات کوں مثبت قرار فیندے امید کیتی جو طا??بان کثیر القومی ملک اچ اجتماعیت آلی حکومت ٻݨیسن۔ انہاں آکھیا جو افغانستان کوں ولا کلہا چھوڑݨ دا آپشن ٻہوں خطرناک ہوسی جیندے نال افغان عوام بحران دا شکار تھی ویسن جو ایہو ڄھیں غلطی پہلے وی کیتی ڳئی اے۔ انہاں آکھیا جو عالمی برادری ماضی دیاں غلطیاں نہ دوہراوے،طالبان وی ذمہداری ݙکھاون، انہاں دی ہݨ سوچ اتے رویہ چنڳاں اتے پہلے توں نویکلا ہووݨا چاہیدے، طا??بان کوں حالات دے مطابق سمجھداری نال عالمی رائے اتے اصولاں دا احترام کرݨا ہوسی جو افغانستان اچ وݙے پیمانے تے انسانی امداد دی لوڑھ ??وس?? نتاں افغانستان اقتصادی اوکھ اچ گھر ویسی۔
حالی طالبان دا رویہ حوصلہ افزا اے بھل افغانستان کوں کلہا چھوڑ ݙتا ڳئے، کتھائیں ولا حالات اوکھے نہ تھی ونڄن، وزیر خارجہ شاہ محمود قریشی دا سکائی نیوز کوں انٹرویو
مضمون کا ماخذ : نتیجہ ڈوپلا سینا
متعلقہ مضامین
